O vindeiro 1 de abril é o Día das Artes Galegas 🎨.
Este ano 2026 adícanselle ao fotógrafo José Suárez.
Para conmemorar este día, realizaremos a nosa propia
exposición de fotografía! 📷
A temática é libre e as fotos deben ser o máis creativas
posibles.
Anímate e participa! ✨
Aquí están as propostas musicais para este mes! 🎵🎶
Abril chega con novos sons e enerxías
frescas, perfectas para acompañar os días máis longos e a primavera en pleno
auxe 📖🌼.
Esperamos que vos gusten!!
Comezamos a preparar o noso horto: limpar, preparar o terreo para que cada semente teña o mellor comezo.
O verde está a piques de chegar! 🌱
Hoxe recibimos unha visita moi especial: Eva Mejuto veu contar as historias de “10 gatiñas viaxeiras” e “Queco e Kika” 🐱.
As nenas e nenos de Infantil e 2º ciclo riron, soaron “miau” e deixaron voar a imaxinación acompañando aos personaxes nas súas aventuras 📕.
Unha mañá chea de libros, amizade e moita
diversión! ✨
A nosa biblioteca viviu unha xornada moi especial coa visita da recoñecida escritora Fina Casalderrey, que veu presentarnos o seu libro O xenio da Cidade do Sal, o cal versa sobre aspectos tan interesantes como a vida de Mozart ou o Camiño de Santiago ✨.
Foi un encontro cheo de emoción,
aprendizaxe e, sobre todo, amor pola lectura! 📕E se non fose suficiente, o
talento musical do noso cole fixo soar notas que acompañaron a xuntanza,
lembrándonos que aquí a creatividade non ten límites🎵🎶 .
Grazas Fina! Ata a próxima!! 💙
Cada 21 de marzo celebramos o Día Mundial da Poesía.
Este xénero agroma en cada recuncho: no mar, no vento, nas lembranzas.... É o seu día, pero tamén é de quen a escribe e a recita.
Dende Meaño, Herminia Fariña Cobián, tece versos coa raíz da terra e o sal do Atlántico, facendo do pequeno algo inmenso.
Porque a poesía non só se le: séntese! 💗
O 3º Ciclo puxo rumbo ao Museo de Pontevedra para vivir a historia en primeira persoa 🏛️🎨.
Entre cadros, esculturas e pezas sorprendentes,
convertémonos en pequenos exploradores do pasado. Cada sala agochaba unha
historia e cada obra, unha pregunta nova.
Non só miramos… tamén pensamos, opinamos e
descubrimos!
Volvemos ao cole cunha mochila chea de
curiosidade, ideas e ganas de seguir aprendendo ✨.
O alumnado de 1º Ciclo realizou unha saída ao Parque dos Sentidos de Marín, onde puido gozar dunha xornada de aprendizaxe en contacto coa natureza.
A través dos sentidos, exploraron a contorna, descubriron novas sensacións e compartiron momentos de convivencia cos seus compañeiros e compañeiras.
Foi unha experiencia moi positiva e enriquecedora para todos e todas! 🌼
A pasada semana a nosa biblioteca encheuse de historias coa visita de Ramón Veiga.
Co seu libro "Chove!", o alumnado do 1º Ciclo mergullouse nun encontro cheo de humor, imaxinación e ganas de ler.
Unha experiencia moi especial… na que tamén choveu lectura! 📚🌧️
.jpg)
.jpg)
.jpg)
.jpg)
Con motivo do Día da muller (8 de marzo), o alumnado realizou un mural titulado “A muller a través da arte”🎨🎬🎭🎵.
Para esta actividade investigaron sobre diferentes mulleres artistas (Maruja Mallo, Soledad Penalta, Mercedes Ruibal...) e coñeceron aspectos da súa vida e das súas obras.
Ademais, cada estudante elaborou un debuxo inspirado nesta conmemoración.
Todos os traballos xuntos formaron un mural colectivo que pon en valor a creatividade do alumnado e axuda a visibilizar o importante papel das mulleres na historia da arte.
Ollade que fermoso nos quedou!!💜👏
Un ano máis, convocamos o Concurso de Carteis e Lemas polo Día da Muller (8 de marzo) 💜.
Despois dunha dificilísima escolla, o noso xurado elixiu o debuxo gañador deste curso.
O cartel escollido para facer o adhesivo e agasallar a todo o cole é o de ... Eloy de 6º A!! PARABÉNS!!! 👏🎉
Un ano máis, reuniremos no Campo de Fútbol As Cachizas de Dena para correr pola igualdade! 💜
Anímate e participa!!! Esperámosvos!!
Nos nosos patios incorporamos taboleiros comunicativos inclusivos, unha ferramenta visual que axuda ao alumnado a expresar necesidades, emocións e propostas de xogo a través de palabras e pictogramas.
Estes taboleiros están pensados especialmente para quen utiliza Sistemas Aumentativos e Alternativos de Comunicación (SAAC), pero convértense nun recurso útil para todo o alumnado. Grazas a eles, é máis fácil pedir axuda, propoñer un xogo, invitar a participar ou expresar como nos sentimos.
Con esta iniciativa seguimos avanzando cara a un patio máis accesible, participativo e inclusivo, onde todos e todas teñan a oportunidade de comunicarse e formar parte do xogo ✨👪 .
E aquí están as propostas musicais deste mes de marzo! 🎵🎶
Todas adicadas ás mulleres das nosas vidas!!! 👩👧
Esperamos que vos gusten!! 💜
Pola súa proximidade e relación, fusionamos o Día das Linguas Maternas e o Día de Rosalía de Castro 💙.
Elaboramos un mural da escritora no taboleiro do EDLG, que se atopa enfronte á biblioteca e polo que transita todo o alumnado do centro.
O alumando de infantil encargouse de decorar a Rosalía, os cativos/as do 1º Ciclo de Primaria escribiron e debuxaron palabras en galego, os nenos/as do 2º Ciclo recompilaron refráns, ditos, adiviñas, trabalinguas... e a rapazada do 3º Ciclo confeccionaron e recitaron poemas desta autora 📝.
Ollade que fermoso nos quedou!!! ✨
Ola, ola! 🐭✨
Son Rati,
a mascota do CEIP Coirón-Dena, e veño cunha invitación moi especial.
Xa está aquí o Festival
de Entroido, un día para rir, bailar e deixarnos levar
pola imaxinación.
Haberá disfraces sorprendentes, música e
moita, moita alegría.
Anímovos a vir co voso mellor disfrace e con ganas de pasalo en grande.
Vémonos no Entroido… non faltes, que eu xa estou list@ para a festa! 🎭🎉
O alumnado de 6º de Educación Primaria celebrou o Entroido cun mural moi especial dedicado ao cine.
Ao longo dos últimos días, os nenos e nenas
traballaron con ilusión investigando sobre películas, personaxes míticos e
xéneros cinematográficos, deixando voar a súa creatividade.
O resultado é un mural cheo de cor, imaxinación e
referencias ao sétimo arte, no que o Entroido e o cine se dan a man.
Unha actividade que combina aprendizaxe,
expresión artística e espírito festivo, e que encheu os corredores do centro de
maxia e diversión. 🎬🎭
🎭📚 Mandadiños do Meco! 📚🎭
No noso colexio tamén se viven os mandatos do
Entroido: disfraces creativos e moitas ganas de pasalo ben!! 🎨🎶
Unha tradición que nos permite aprender,
compartir e celebrar xuntos, enchendo os corredores de cor, risas e o espírito
do entroido. Porque o Entroido tamén é cultura, convivencia e comunidade ❤️
Grazas a todo o alumnado e profesorado por facer
posible esta festa tan especial. Viva o
Entroido! 🥳✨
Febreiro soa a Entroido!!!! 🎭
Este mes chega cargado de ritmo, disfraces e
moita retranca.
O Entroido non só se vive nas rúas, tamén se
escoita no noso cole, e este mes as propostas musicais xiran arredor da festa
máis irreverente do ano.
Concertos cheos de humor, coplas satíricas,
batucadas, charangas e músicas tradicionais mestúranse con sons actuais para
poñer banda sonora á troula.
É tempo de rir, bailar e celebrar sen complexos,
deixando que a música marque o paso entre comparsas e máscaras.
Porque en febreiro, cando manda o Entroido, a festa tamén se canta!!! 🎶
O alumnado de 6º de Primaria dirixiu distintos obradoiros pola paz.
Decoraron pedras con mensaxes positivas
e símbolos da paz, elaboraron diademas
e pulseiras da paz, contruímos o noso
muro da paz, practicamos relaxación, bailamos e moito máis!!
Traballando así a creatividade ao tempo
que reflexionaban sobre valores como o respecto, a amizade e a convivencia.
Unha actividade moi motivadora que
combinou arte, reflexión e traballo en equipo ✌️🎨.
🏛️🗿 Benvid@s á EXPOARTE! 🏛️🗿 A exposición de Arquitectura e Escultura do 3º Ciclo de Primaria!!
O pasado mes de xaneiro gozamos dunhas fantásticas xornadas multideporte, cheas de deporte, convivencia e bo ambiente entre centros educativos. Visitamos o CEIP San Roque e recibimos ao alumnado do CEIP Armenteira.
⚽🏀🤾♂️♟️ Durante
as xornadas practicamos fútbol sala, datchball, baloncesto, tchoukball, xadrez
e balonmán, fomentando valores como o respecto, a cooperación e o gusto pola
actividade física.
A paz é un desexo universal que une culturas e pobos de todo o mundo. Aínda que se exprese de maneiras distintas, o seu significado é común para todas as persoas.
· Galego: Paz
· Español: Paz
· Inglés: Peace
· Francés: Paix
· Italiano: Pace
· Portugués: Paz
· Alemán: Frieden
· Árabe: سلام (Salam)
· Hebreo: שלום (Shalom)
· Ruso: Мир (Mir)
· Chinés: 和平 (Hépíng)
· Xaponés: 平和 (Heiwa)
· Coreano: 평화 (Pyeonghwa)
· Hindi: शांति (Shanti)
· Sánscrito: शान्तिः (Shāntiḥ)
· Grego: Ειρήνη (Eiríni)
· Swahili: Amani
· Quechua: Kawsaykama (paz / vida en
equilibrio)
· Maorí: Rangimārie
Moitas linguas, unha mesma esperanza: vivir en harmonía! ✨
E que mellor maneira…que comezar o ano… que escoitando música en galego?? 🎵💙🎶
Aquí van as nosas propostas musicais
para o 2026!!! 🎉🎊
Esperamos que vos gusten!! 😉
(Pincha ou escanea o QR para acceder á nosa listaxe en Spotify)
