No horto escolar apareceron novos habitantes… feitos con roupa vella, paus
e moita imaxinación! O alumnado de 6º deu vida a espantallos únicos, cheos de
personalidade e creatividade.
Cada un conta unha historia, cada un coida un anaco de terra. Non só
espantan paxaros, tamén fan sorrir a quen pasa.
Entre sementes e ilusións, medra algo máis que plantas: medra o traballo en
equipo, o respecto pola natureza e a capacidade de crear con pouco.
Os nosos cultivos xa teñen gardiáns… e ben especiais! 🌱
O 7 de abril foi o Día da Saúde 🏃♀️.
Un ano máis, para conmemoralo, realizamos unha xornada multideportiva no Campo de Fútbol das Cachizas de Dena, na que desfrutaron alumnado, profesorado e familias 👪.
Ao longo da xornada compartimos diferentes actividades físicas e momentos de convivencia, fomentando hábitos de vida saudables e o traballo en equipo 🎾🎯🏀.
Este tipo de iniciativas permiten reforzar a importancia da actividade física e da saúde no día a día da nosa comunidade educativa ✨.
Seguimos avanzando para conseguir un cole máis saudable! 💚
Aprendendo a sentir, respectar e convivir! ✨ O pasado martes, o noso colexio encheuse de reflexión, diálogo e aprendizaxe grazas aos obradoiros de educación afectivo-sexual da man de Anacos educativos, nos que participou todo o alumnado, con propostas adaptadas a cada etapa.
Foron espazos para falar, escoitar e
medrar, nos que se traballaron valores como o respecto, a autoestima, a
diversidade e a importancia de construír relacións saudables.
Seguimos avanzando xunt@s na educación integral do noso alumnado. Grazas por formar parte! 💜
