No noso cole vivimos un Nadal
inesquecible, cheo de ilusión e momentos especiais:
👑Recibimos a visita dos Reis Magos.
🚂 Viaxamos no Pavitren por Dena.
🎨 Participamos nos obradoiros creativos organizados pola
ANPA “A Sementeira”.
🍬 E rematamos cun gran festival en compaña das familias
e coas festiñas de despedida deste 1º trimestre!
Sigamos creando recordos inesquecibles! 🎅✨
O alumnado de 5º de Primaria elaborou un "Pasapalabra de Nadal" para traballar vocabulario en galego típico destas datas.
Escanea o seguinte QR para velo ou dálle á ligazón! Esperamos que vos guste! 💞
Os nenos e nenas de 5 anos convertéronse en auténticos exploradores de Laponia! 🎄
A nosa mascota Rati leva as súas maletas cheas de ilusión para percorrer o mundo durante o Nadal 🎄🎅.
Queredes acompañala? 🌍
Un libro pode ser un avión, un tren ou un barco
que nos leva a lugares cheos de maxia e aventuras 💫.
Este Nadal, animádevos a ler
e facédeo en GALEGO!!!
O alumnado de 5º e 6º de Primaria desfrutou dun obradoiro de Góspel no que aprenderon un montón sobre este xénero musical.
Nel mesturamos
as súas raíces africanas coas nosas propias galegas.
Ollade que resultado tan chulo! 👀👏
Xa está aquí a megafonía de decembro!! 🎵🎵
Todos/as listos/as para cantar e bailar este Nadal!!! 🎄🎅
A nosa mascota Rati estivo fóra do cole uns días.
Foi nada máis e nada menos que a Laponia e trouxo a súa maleta ben
cargadiña de cousas para que coñecezamos un pouquiño mellor ese lugar! ⛄
O pasado martes, 3 de decembro os nenos/as de 5º e 6º de Primaria foron á Deputación de Pontevedra a presentar a súa cooperativa de arte ecolóxica “Ecopegada”, xunto con outros centros da provincia.
Fixémolo de marabilla!! 🐾🐾
A Deputación tíñanos ademais, unha gran sorpresa preparada, unha visita ao Museo de Pontevedra!
Alí, desfrutamos das súas exposición temporais, unha
sobre o pintor de Bueu, José Benito Otero Baena e outra, de xoguetes antigos.
E non podían faltar, as súas exposicións permanentes, como a do grandísimo Castelao, do que se cumpren 75 anos do seu pasamento e onde puidemos ver ao noso cego de Padrenda!
Os nenos/as de 4º de Primaria mostráronlle aos demais cursos como é Xapón.
Faláronnos da
súa lingua, a súa a bandeira, comida típica, traxe típico, e moitas cousas máis! 🉐🉑
Ata nos fixeron un baile e a representación teatral dun conto a través da técnica do Kamishibai!!
No Coirón conmemoramos o 25 de novembro: Día contra a violencia de xénero.
A rapazada creou estes carteis tan especiais, cargados de igualdade, para reinvindicar esta data tan importante! 💜
Ata nos visitou o alcalde e a concelleira para recoller algúns deles e levalos ao Concello, e así, darlles visibilidade e difusión as nosas mensaxes!!
O alumnado de 3º e 4º de Primaria visitou o museo
de Pontevedra.
Alí, desfrutaron dunha visita guiada pola historia da arte galega (pintura, cerámica, escultura...).
Que ben o pasaron!!
E agora, tocou o mellor, probar os produtos típicos do outono que trouxemos para a nosa exposición!
O
alumnado de infantil repasou vocabulario en galego e degustou froitos secos e
carnosos típicos destas datas.
Por
outra banda, o alumnado de primaria traballou a expresión escrita a través de
receitas do outono.
Ummmmmm
que bo estaba todo!!!! 😋
No CEIP Coirón-Dena celebramos o magosto dun xeito especial: xogando e lembrando aqueles xogos tradicionais que tanto nos gustan!
Seguido, por suposto, da degustación de castañas asadas!!
E por fin…a megafonía de novembro!!! 🎵🎵
Con especial mención:
·
AO MAGOSTO.
·
Á LOITA CONTRA A VIOLENCIA
DE XÉNERO.
· A XAPÓN, país que estamos a traballar no noso PDI “A voltas con Rati”.
E sen esquecernos, por suposto, das peticións
do noso alumnado!!
O vindeiro venres, 15 de novembro, se a meteoroloxía nolo permite, celebraremos o magosto no parque dos Pasales de Dena.
Alí, desfrutaremos de xogos populares e tradicionais, música, baile e castañada! 🍁🍂
O alumnado do 3º Ciclo foi seleccionado no programa da Deputación de Pontevedra “DEPOEMPRENDE NA ESCOLA” que ten como obxectivo que o alumnado cree a súa propia cooperativa escolar.
Os
nenos/as fixeron un traballo de investigación previo sobre o que é unha
cooperativa, como funciona, quen traballa nela e cales son as súas funcións,
que tipos de cooperativas existen, así como, as cooperativas que temos na nosa
contorna.
Decidimos que a nosa será unha Cooperativa de “ARTE ECOLÓXICA”, respectuosa co medio ambiente.
Con
este proxecto interdisciplinar, fomentaremos a creatividade e o espírito
emprendedor do alumnado, aprenderemos a traballar en equipo de xeito
cooperativo e colaborativo, a tomar decisións de xeito democrático, a expor en público ou
educación financieira.
E
o máis importante, o recadado coas nosas creacións terá un fin social!
O alumnado de 5º de Primaria visitou o Campo da Billarda de Nantes para desfrutar dunha xornada de xogos populares e tradicionais, tales como a billarda ou estornela, a chave, a petanca ou os birlos. 🎳
Esta é unha actividade promovida por XOGADE e que forma parte do PVAD (Proxecto de Vida Activa e Deportiva).
Pasámolo de marabilla practicando deporte ao aire libre!! 🌳
