VISITA MUSEO 2º CICLO

O alumnado de 3º e 4º de Primaria visitou o museo de Pontevedra.

Alí, desfrutaron dunha visita guiada pola historia da arte galega (pintura, cerámica, escultura...).

Que ben o pasaron!!

DEGUSTACIÓN OUTONO

E agora, tocou o mellor, probar os produtos típicos do outono que trouxemos para a nosa exposición! 

O alumnado de infantil repasou vocabulario en galego e degustou froitos secos e carnosos típicos destas datas.

Por outra banda, o alumnado de primaria traballou a expresión escrita a través de receitas do outono.

Ummmmmm que bo estaba todo!!!! 😋

MAGOSTO: XOGOS POPULARES E CASTAÑADA

No CEIP Coirón-Dena celebramos o magosto dun xeito especial: xogando e lembrando aqueles xogos tradicionais que tanto nos gustan! 

Seguido, por suposto, da degustación de castañas asadas!!

EXPOSICIÓN OUTONO

Con motivo do magosto, o alumnado traballou vocabulario relacionado co outono e realizou unha gran exposición cos seus produtos típicos (castañas, follas, espigas, cabazas…). 

Moitas grazas a todas as familias e ao noso alumnado por participar, por facer posible esta exposición e por convertela en todo un éxito! 🍁🍂

MEGAFONÍA DE NOVEMBRO

E por fin…a megafonía de novembro!!! 🎵🎵

Con especial mención:

·        AO MAGOSTO.

·        Á LOITA CONTRA A VIOLENCIA DE XÉNERO.

·       A XAPÓN, país que estamos a traballar no noso PDI “A voltas con Rati”.

E sen esquecernos, por suposto, das peticións do noso alumnado!!

MAGOSTO 2024

O vindeiro venres, 15 de novembro, se a meteoroloxía nolo permite, celebraremos o magosto no parque dos Pasales de Dena.

Alí, desfrutaremos de xogos populares e tradicionais, música, baile e castañada! 🍁🍂

A NOSA COOPERATIVA

O alumnado do 3º Ciclo foi seleccionado no programa da Deputación de Pontevedra “DEPOEMPRENDE NA ESCOLA” que ten como obxectivo que o alumnado cree a súa propia cooperativa escolar.

Os nenos/as fixeron un traballo de investigación previo sobre o que é unha cooperativa, como funciona, quen traballa nela e cales son as súas funcións, que tipos de cooperativas existen, así como, as cooperativas que temos na nosa contorna.

Decidimos que a nosa será unha Cooperativa de “ARTE ECOLÓXICA”, respectuosa co medio ambiente.

Con este proxecto interdisciplinar, fomentaremos a creatividade e o espírito emprendedor do alumnado, aprenderemos a traballar en equipo de xeito cooperativo e colaborativo, a tomar decisións de xeito democrático, a expor en público ou educación financieira.

E o máis importante, o recadado coas nosas creacións terá un fin social! 

RATI FOI A XAPÓN!

Como sabedes, dende o día do túnel do medo, a nosa mascota Rati estivo fóra do cole uns días. 

Foi nada máis e nada menos que a Xapón e trouxo a maleta ben cargadiña de cousas para que coñecezamos un pouquiño mellor ese país! 🌏

XOGOS E DEPORTES POPULARES E TRADICIONAIS

O alumnado de 5º de Primaria visitou o Campo da Billarda de Nantes para desfrutar dunha xornada de xogos populares e tradicionais, tales como a billarda ou estornela, a chave, a petanca ou os birlos. 🎳

Esta é unha actividade promovida por XOGADE e que forma parte do PVAD (Proxecto de Vida Activa e Deportiva).

Pasámolo de marabilla practicando deporte ao aire libre!! 🌳

                                                                 

                                                                   

                                                                    

TÚNEL DO MEDO

Este ano o túnel do medo foi moi especial e a través del puidemos coñecer as distintas culturas do mundo:

Exipto cos seus misterios de momias e faraóns.

Rumanía co conde Drácula.

México coas fermosas e aterradoras Catrinas.

Países Baixos con casas encantadas e embruxadas.

Reino Unido con Frankenstein e Jack o Destripador.

E, por suposto, Galicia coa Santa Compaña, para achegarnos ás nosas tradicións.

Moitas grazas á incrible colaboración das familias, que se implicaron a fondo para crear un túnel do medo inesquecible! 😈

EXPOSICIÓN SAMAÍN

Neste Samaín non só decoramos cabazas para a nosa exposición, senón que tamén fixemos vasoiras, sombreiros e outras creacións que encheron o cole de maxia e misterio!

Moitas grazas a todas as familias e ao noso alumnado por participar e facer que esta exposición fora todo un éxito! 🎃