Prepárate para unha xornada chea de medo, diversión e moita maxia! 🕸️✨
Ao longo do día 30 de outubro, o noso alumnado gozará dun terrorífico percorrido polo Túnel do Medo, con diferentes temáticas e sorpresas en cada recuncho 👻.
Ademais de contacontos e merendolas
terroríficas!🎃
🕐 Pases para as familias:
🔹 De 13:45 a 14:00 h.
🔹 De 16:00 a 18:00 h.
Non perdas a oportunidade de vivir o Samaín máis
arrepiante do ano! 💀
Moitísimas grazas a ANPA Sementeira pola súa colaboración!!! ❤
E aquí van as nosas propostas musicais deste mes de OUTUBRO! 🎵🎶
Animádevos e ... CANTADE E BAILADE EN GALEGO ESTE SAMAÍN!!! 💀👻
Para celebrar
o Día das bibliotecas escolares, amosamos ao alumnado algunhas das bibliotecas
máis curiosas do mundo.
Á súa vez, animámolos a que deseñen a súa
biblioteca ideal. 📚
Agardamos con impaciencia os deseños dos nosos e
nosas grandes artistas! 🎨
O pasado venres, 17 de outubro o alumnado de 6º de Educación Primaria desfrutou dunha interesante xornada educativa organizada pola Deputación de Pontevedra e a AGAPI (Asociación Galega de Produtores Independentes), en colaboración co Concello de Meaño.
O obxectivo desta actividade foi achegar ao alumnado ao mundo do audiovisual galego, coñecendo de preto o traballo que hai detrás das cámaras.
Contamos coa visita de Gael Herrera, da produtora Tamboura, quen compartiu a súa experiencia en programas da TVG como; Que casas!, Escaparate ou Historias Mínimas.
Unha mañá chea de aprendizaxe e inspiración! 🎬🎥🎞️
O alumnado do 2º Ciclo
visitou Radio Arousa e entrevistou nin máis nin menos, que ao noso alcalde, Carlos Viéitez Fernández.
Os nenos/as saíron cun gran coñecemento sobre a radio e o seu funcionamento dende dentro🎙️.
Graciñas por recibirnos!
O pasado 8 de outubro, o alumnado de 2º a 6º de Educación Primaria do CEIP Coirón-Dena achegámonos a Montalvo para desfrutrar do campionato de Cros Escolar Xogade.
Foi unha xornada moi divertida e soleada, na que ademais de correr tivemos tempo para bailar e xogar.
Despois de tantos anos de traballo, a Santi, o noso querido conserxe, tócalle descansar e desfrutar da súa xubilación.
Preparámoslle unha despedida moi especial, cheíña de sorpresas e
de moita emoción! 💖
Botarémoste moito de menos!!
